தினமலர் பேப்பருக்கு ரயில்வே நிர்வாகம் ஏஜெண்ட்டா?

Share

தினமலர் பேப்பர் பொய்களின் பிறப்பிடம் என்பதால், அதில் வரும் செய்திகள் பல நாற்றமெடுப்பவை என்பதால் அதை சமூக வலைத்தளங்களில் தினமலம் என்றே கேலி செய்கிறார்கள். அப்படிப்பட்ட நாளிதழை ரயில்வே நிர்வாகம் பயணிகள் தலையில் கட்டி பணம் வசூலிக்கிறது என்பது அதிர்ச்சியாக இருக்கிறது.

இந்த பேப்பர் விற்பனையில் ரயில்வே நிர்வாகத்துக்கு தினமலர் நிர்வாகம் கமிஷன் கொடுக்கிறதா? அல்லது பேப்பரை விளம்பரப்படுத்துவதற்காக இலவசமாகவே தினமும் பேப்பர் வினியோகிக்கப் படுகிறதா? அப்படியானால், பேப்பர் விற்கும் காசு முழுவதும் யாருக்கு போகிறது என்று பலவிதமான கேள்விகளை பயணிகள் எழுப்புகிறார்கள். இதுகுறித்து வாட்ஸாப்பில் வந்த செய்தியை உங்களுக்காக தருகிறோம்.

இன்று காலை 6 மணிக்கு, சென்னையிலிருந்து மதுரை செல்லும் ‘தேஜஸ்’ ரயிலில் ஏறினேன். டிக்கெட் 920 ரூபாய். டிக்கெட் பரிசோதகர் கூடுதலாக ரூ.20 கொடுக்குமாறு கேட்டார்.

“எதற்கு” என்றேன்.
“பேப்பருக்கும் தண்ணீர் பாட்டிலுக்கும்” என்றார்.

” நான் உங்களிடம் கேட்கவே இல்லையே. நீங்களாகவே கொடுத்து விட்டு, எப்படி விலைகேட்கிறீர்கள்?”

அவர் கையிலிருந்த பயணிகள் பட்டியலைக் காண்பித்து, “ரயில்வே வசூலிக்கச் சொல்கிறது” என்றார்.

(நான் ரயில் பெட்டியில் ஏறும்போதே, எனக்கு ஒதுக்கப்பட்ட இருக்கையில் ‘தினமலர்’ பத்திரிகை கிடந்தது).

“தினமலருக்கு ரயில்வே ஏன் ஏஜென்ட் வேலைபார்க்கிறது. அந்தப் பேப்பரை நான் விலை கொடுத்து வாங்கியே தீரவேண்டும் என கட்டாயப்படுத்த ரயில்வேக்கு என்ன அதிகாரம்? பேப்பரை எடுத்துக் கொள்ளுங்கள். நான் பணம் தரமுடியாது” என உறுதியாகச் சொன்னேன். அவர் பேசாமல் நகர்ந்தார்.

ஆனால் மற்றவர்களிடம் பணம் வசூலித்துக் கொண்டே சென்றார்.

ஒரு குழந்தை உட்பட மூன்று பேர் கொண்ட குடும்பம் பக்கத்து இருக்கைகளில் பயணம் செய்தது. மூன்று பேருக்கும் தினமலர் கொடுத்து, பேப்பர்களுக்கான விலையை வசூலித்தார். என்ன கொடுமை இது!

அனைவரும் வாய்பேசாமல் பணம் கொடுத்தது வியப்பாக உள்ளது!

“ஊமைச் சனங்கள்’

தேஜஸ் ரயிலில் 14 பெட்டிகள். ஒரு பெட்டிக்கு எழுபத்தி எட்டு இருக்கைகள். (14×78=1092)
இந்த ஒரு ரயிலில் மட்டும் 1092 தினமலர் இதழ்களை தினமும் விற்று தினமலருக்கு பணம் கொடுக்கிறது ரயில்வே!

மதுரையிலிருந்து சென்னைக்கு திரும்பும் போதும் விற்பார்களா எனத் தெரியவில்லை.

மோடிக்கும் பாரதிய ஜனதாவுக்கு ஜால்ரா போட்டால் என்னென்ன வகையான வாய்ப்புகளையெல்லாம் அரசு அதிகாரத்தைப் பயன்படுத்தி இவர்கள் வாரி வழங்குகிறார்கள்!

இவ்வாறு அவர் அந்தச் செய்தியில் குறிப்பிட்டிருந்தார். இது இப்போதும் தொடர்கிறதா தெரியவில்லை. ஆனால், ஒரு அசிங்கம்பிடித்த அருவருப்பான நாளிதழுக்கு ஏன் ரயில்வே நிர்வாகம் புரோக்கர் வேலை பார்க்க வேண்டும் என்பது புரியாத புதிராக இருக்கிறது. இப்போதும் பேப்பர் விற்கு வேலையை ரயில்வே நிர்வாகம் செய்தால் அதை கண்டித்து புறக்கணியுங்கள்.

Leave A Reply