இரண்டாவது முறை சென்னை கிளம்பும்போது சில அற்புதங்கள் நடந்தேறி இருந்தன. சென்னையில் புகாரி ஹோட்டலில் நான் இருந்தபோதே கல்கி இதழில் அமரர் கல்கி நினைவு சிறுகதைப் போட்டி அறிவிக்கப்பட்டிருந்தது. முதல் மூன்று பரிசுகளுள் ஒன்றை வாங்கிவிட வேண்டுமென்று, துடிப்புடன் கதையொன்றை எழுதி அனுப்பியிருந்தேன். கதையனுப்பிய இரண்டு வாரங்களிலேயே கதை பிரசுரமானதோடு, சூட்டோடு சூடாய் காசோலையும் வந்துவிட்டது. எனக்கோ கோபம்… சிறுகதைப் போட்டிக்கு அனுப்பினால், வழக்கமான சிறுகதைகளில் ஒன்றாய் பிரசுரித்துவிட்டார்களே என்று. பிறகு ஆற அமர நிதானமாக யோசித்ததில்…